De oanhâlder…..

Twa wiken lyn binne wy wer útein set mei de repetysjes. De teksten sitte der noch knap yn, mar der moat noch wol in hiel soad wurk ferset wurde om alles hielendal op nivo te krijen. Dat sil grif slagje. Wy binne fol goede moed.

Om jimme alfêst yn de stimming te bringen, fertel ik in hiel lyts bytsje fan de ynhâld. It stik spilet him ôf yn in bistedokterspraktyk. De nije dokter Paul is krekt útein set as it stik begjint. Mar och heden, wat komme dêr dochs frjemde pasjinten op it sprekoere fan de dokter.
Neat is wat it liket.
Nijsgjirrich?

Definitive datums binne freed 11 en sneon 12 novimber, jûns om 20.00 oere. En by genôch opjefte dogge wy snein de middeis in matineefoarstelling om 17.00 oere.

Wy wurkje wer mei opjefte. De oare moanne sil ik dêr mear oer skriuwe. Foar no earst mar eefkes bykomme fan it geweldige doarpsfeest mei skitterjend waar.

Út namme fan it bestjoer fan toanielselskip Sizze en Dwaen

Thijs van der Veen,
Ponghâlder.